إنتم عارفين..

ليه الحب ممكن يموت ويختفى بين اتنين..

علشان كل واحد من الطرفين إللي بيحبوا بعض..

بيعتبر الطرف التاني ( حبيبه) كل الحياة....

هى بتعتبره مشروع حياتها..

وهو بيعتبرها مشروع حياته...

ويفضلوا الأتنين يدوروا ويلفوا حوالين بعض..

في دايرتهم  المغلقة بس...

لدرجة إنهم بيشوفوا كل الحياة من خلال طبيعة علاقتهم بس.

و بينسوا في الحالة دي إن  لكل واحد منهم أهدافه الخاصة.

وإللي كل واحد فيهم محتاج إنه يحققها..

ويشبع من خلالها ذاته الفردية.

.. وهنا غلطة العمر....

ياجماعة..

حب الحبيب ده جزء من الحياة وليس كل الحياة.

إحنا بنحب بعض علشان نواجه مع بعض الحياة..

بكل ما فيها من أهداف وطموحات وأمال.

يعني من الآخر كدة..

الحب وسيلة تجمعنا إحنا الأتنين..

علشان نحقق من خلال الحب ده أهداف حياتنا.. مايبقاش حبنا لبعض الوسيلة ولغاية في نفس الوقت.

ويوم ما خلينا حبنا لبعض هو كل الحياة..

ضاعت من بين أدينا كل ملامح وأهداف وتحديات الحياة.

والغريب.. إننا بعد مابنفوق ونصحى من وهم إن حبيبي كل الحياة.

بنكتشف إن أهداف  كتيرة في الحياة ضاعت منا...

وإللي بيروح مابيرجعش.

ونرجع نندم على حبنا إللي عطلنا عن مواصلة بقية جوانب حياتنا...

علشان كدة..

اعتبر حببتك جزء واحد من الحياة..

و اعتبري حبيبك جزء واحد من الحياة..

لأن لو كل واحد منكم اعتبر التاني كل الحياة..

يبقى ساعتها توقعوا بداية النهاية بينكم..