علّق الإعلامي محمد موسى على واقعة تداول فيديو لحفل زفاف الفنانة بوسي، والذي تظهر فيه وهي تحلف بـ"الطلاق أنها تبوظ الجوازة"، قائلا "أصل الجماعة الفنانين دول أحوالهم غريبة".

وقال محمد موسى خلال تقديم برنامج "خط أحمر" على قناة الحدث اليوم، "بوسي بتحلف وبتقول للمعازيم وبنرفزة عليا الطلاق أبوظ الجوازة عادي، أنا هربانة مني، هو يا حاجة بوسي أنتي عازمة الناس عشان تتنرفزي عليهم، وبعدين هي اللي يحلف بالطلاق ده اللي العصمة بتكون في إيده".

وأضاف محمد موسى "الغريبة بقى أنه رغم حضور عدد كبير من الوسط الفني وأصدقاء العروسين، إلا أن والد بوسي غاب عن حضور حفل الزفاف وكمان مكتفتاش والدها بده، دا قال إنه ميعرفش شيء عن رفافها، وقال بنتي معزمتنيش ولا حد كلمني عشان أحضر الفرح، ولكني مش هتكلم خالص مش عاوز أعكنن عليها، وقال أنه كان يتمنى أن تتصل به وتعزمه وأنه كان هيلبي الدعوة ولكنها لم تعزمه على فرحها من الأساس".