في واحده في حياة كل واحد فينا دورها مؤثر جدا في حياتنا كلنا ، وللأسف مش واخده حقها ولا قدرها من التكريم هى حته من الام تذكرنا بها هى مستودع اسرار أخواتها البنات والناصحة الامينة بحب لاخواتها الأولاد هى الاحن على أختها الصغيرة ، إللي اتجوزت بعد وفاة الام ، وهى الاكرم و الأكثر سخاءا على كل أخواتها بعد رحيل أبوها بتعرف حالة أخواتها البنين والبنات من نظرة العين ، وتعبيرات الوجه

هى العقل والحنان في نفس الوقت ، علشان خاطر سواد عينيها اليابان خصصتلها يوم عالمي للاحتفاء بيها إنه اليوم العالمي للاخت الكبرى في ٦ ديسمبر من كل عام.

هل نتوقع في مصر احتفالا يليق بها وقيمتها وبدورها المشرف في حياة كل واحد فينا ليه.. لأ... ربنا كريم وربنا يسهل ياريت في خضم انشغالتنا بالدنيا إللي واخدانا كل واحد يقولها كلمتين يمكن نسعدها ونحسسها بقيتها شوية ولو في حد بيحل مكان ومقام الأخت الكبري يبقى يستحق منا أيضا تقديره .. بحبك يا أختي الكبيرة قيمة وقامة