علق الإعلامي محمد موسى، على إعلان مؤدي المهرجانات حمو بيكا، تنظيم مسابقة غنائية، بعنوان، مسابقة أحلى صوت 2022، يكافئ الخاسرين بإنتاج أغنية والحصول على شهادة تقدير.

وقال محمد موسى خلال تقديم برنامج "خط أحمر" على قناة الحدث اليوم، تعمل مسابقة للأصوات يا أخي عالج صوتك الأول، أنا بتعجب والله واحد النقابة طردته عشان مبيعرفش يغني رايح يعمل مسابقة غناء لا وهو إللي هيحكم فيها كمان، يعني إحنا زهقانين منك عاوز تجبلنا مولد من أمثالك".

تابع، "وبعدين أنت مش كنت تعبان ومش لاقي فلوس العلاج دلوقتي الفلوس ظهرت وبقيت تعمل مسابقة، أنت شخص محتاج تتعالج في مصحة نفسية إلي بتعمله دا مهزلة وسفه وتفه ولازم تتحاسب عليه، ومين يسمح للتافه دا ينظم مسابقة من غير ترخيص".