للعقول الراقيه فقط.... ماتيجوا نجرب... مش هتخسروا قد اللي بتخسروه كل ثانية.

إلى كل زوجين على طول ناقر ونقير.. مش طايقين بعض من كتر المشاكل بينهم.. من كتر ماكل واحد فيهم مركز مع نقاط ضعف التاني.

أنا عاوز منكم دلوقتي تجيبوا ورقه بيضا.. وتعملوا مع بعض عقد سلوكي وتكتبوه.. وتوقعوا عليه أنتم الاتنين.
هتكتبوا في أول العقد من فوق .. العبارة دي واعتبارها جزء من بنود العقد... (مفيش إنسان خالي من العيوب وبدل مانقضي عمرنا كله كزوجين في نقد بعض و نخاصم بعض).

قررنا نحن الزوجين..
فلان وفلان...مشكاح وريما مثلا...
ونحن في كامل قوانا العقلية دون أي ضغوط علينا
الإتفاق على البنود التاليه والعقد شريعة المتعاقدين..
#البند الأول..
بدل مانركز طول الوقت في عيوب بعض ، قررنا
قبول بعض بكل عيوبنا ونقائصنا.
#البند التاني.
بدل مانبدا اي حوار مع بعض بنقاط الاختلاف
الذي سيؤدي إلى احتدام المناقشات، قررنا نحن الطرفان
بدء اي حوار بيننا بذكر إيجابيات كل منا في الاخر اولا
وبعدها نتطرق للسلبيات
#البند الثالث.
اتفق الطرفان على التعامل مع المواقف حسب حجمها
دون تهويل أو تهوين، على أن يتم مواجهة اي مشكلة أسرية
في وجود الطرفين معا وحل المشكلة يكون باتفاقهما معا
لا مجال للانفراد بإتخاذ اي قرار اسري
#البند الرابع..
يمنع منعا باتا اطلاع اي أطراف خارجية عن المشكلات
الخاصة الطرفين إلا بإتفاق الطرفين على خروجها
خارج نطاقهما بعد مناقشه مستفيضة لأبعاد الموقف
#البند الخامس..
في حال عدم الإلتزام بالبنود السابقة التي سيوقع عليها
الطرفان برضاهما ودون أي ضغوط عليهما..
يتم توقيع العقوبات التالية...
يقوم كل طرف بالإتفاق مع الطرف الآخر بتحديد
عدة عقوبات سواء كانت مادية أو سلوكية تبدأ من الاخف
وتنتهي كعقوبة مغلظه بالابتعاد النسبي عن بعضهما
فترة من الزمن كنوع من أنواع العقوبات..
أو أي عقوبات اخرى يرتضونها...وياريت ترتبط بالحرمان من حاجات بيحبها الطرف الذي ستقع عليه العقوبة

#العقد السلوكي Behavioral contract
أحد # أساليبي الرئيسية في جلسات الاستشارات الأسرية والزواجية.