أنت بتعرف شو وجعي ؟؟

وجعي هو انتا ؟

أنت بتعرف شو سبب دموعي

دموعي بسببك انتا

أنت بتعرف ليش حيرانة

سبب حيرتي هو أنت

أنت بتعرف انو انا صرت عم حس حالي وحيدة بسببك أنت

حكمك عليا بسبب كبريائي

يا ريتك بس بتعرف البركان يلي جوه قلبي

كنت بتفهم

بعرف أنك مستغرب لأنو أنا حدا كتير غامض

بس لو فتشت جواة عيوني ،جواة كلماتي

كنت فهمت كل اهاتي

لا تحكم عليا بكبريائي لأنو راح يضيعك متل ما عم يضيعني

احترق ألبي مليون الف مرة بس كل مرة بقنعك انو انا و لا عبالي

شاطرة أنا كتير في تخباية مشاعري

شاطرة أنا في رسم صورة القوية يلي ما بتهتم

بس لو بتعرف في ألبي شو مخبى

لو بتعرف اديش عم اشتقتلك

عم اشتاق لكل كلماتك

ما نسيت و لا كلمة منها

بتعرف أنو كل رسائلك حذفتها مشان انساك بس بعدها محفورة كل كلمة فيها جواة تفكيري

كيف بدي انساك و انتا بعدك محفور جواة ألبي

بس ما عم اقدر واجهك و لا احكيلك وجعي

بعرف أنو اخترت أنو أبعد عنك

بس بعدني ما نسيتك

كيف بدي انساك ،هيدا السؤال يلي بسألو لحالي كل يوم بس ما بعرف جاوب

كل يلي بعرفو أنك قدري ،قدري يلي كتير قاسي

قدري يلي عم واجهو كل يوم بصرخة ألبي المحروق

ما انكتبت نهاية حلوة لقصتي بعد كل هيدا الوجع

بس ناطرة شو راح يحكم القدر.