أكدت الفنانة عبير صبري أنها لا تحب التفاخر، قائلة "مش بشارك كل حاجة خاصة بيا على السوشيال ميديا".

وقالت عبير صبري في برنامج "مساء دي إم سي" المُذاع عبر فضائية "دي إم سي"، "أنا مبحبش التفاخر أوي.. ومبحبش الحاجات الاستهلاكية"، مضيفة "أحيانا جوزي بيجبلي هدية حلوة مش بصورها وبحترم مشاعر الناس، لأن فيه قطاع كبير من الناس بيشقى ويتعب علشان يصرف على ولاده، أو يجيب هدية بسيطة لمراته، وفي الآخر المعني واحد".

وأوضحت "أنا بخاف من الحسد طول عمري، ولا أفضل تصوير هدايا وزجي لي"، مستطردة "جوزي بيغير عليا وساعات بينكد عليا.. بس أنا مبعملش حاجه أخليه يوصل لمرحلة الغيرة اللي تزعله".

وتابعت "أي راجل بيحب ست مشهورة، لازم يمر بمرحلة الغيرة.. وسلوكي هو اللي بيحدد طريقة تعامله"، مختتمة "زوجي بيستبط أما الناس تتكلم عني حلو.. وبيقرا الكلام اللي الناس بتقوله عليا وبيفرح بيه".