"العمل التطوعي" موضوع بيشغل اغلب الشباب و منتشر كتير هذه الفترة خصوصا أن الكثير لا يعرف أهميته في حياتنا الشخصية أو العملية.

‫في البداية ممكن نعرف العمل التطوعي أنه عمل اجتماعي إرادي أنت غير مجبر علي فعله و غالبا بيكون غير ربحي ومن غير مقابل أو أجر مادي، والعمل التطوعي ده اللي بيقوم بيه أفراد أو مجموعات .

‫التطوع بيكون وسيلة مهمه لكسب مهارات كتير ممكن تستفاد منها في شغلك في المستقبل علي سبيل المثال " الثقة بالنفس، تبادل الآراء، الشعور بالمسؤولية، والعمل الجماعي والابتكار " الأهم من كدا هيزودك بخبرة كبيرة ممكن من خلالها تحقق مكاسب شخصية و دا طبعاً هيكون إضافة ممتازة للـ CV . ‬

بيساعدك كمان على إنشاء علاقات قوية، هتقدر تحسن من المهارات الاجتماعية والعلاقات خصوصاً للناس اللي بتشعر من الخجل في مواقف كثيرة أو اللي مش بتقدر تفتح محادثة أو تتناقش في مواضيع مهمة ومفيدة مع الاّخرين وغيره، هيزود من تثقتك بنفسك أكثر ، وإن عندك هدف عايز تحققه و هتاخد خبره ممتازة تؤهلك لدخول سوق العمل و يكون عندك مهارات كويسة وده طبعاً هيجي مشاركاتك الفعالة في الأعمال التطوعية.

التطوع إننا بنقدم صورة إنسانية للمجتمع و ندعم التكامل بين الأفراد‬، ‫و نساعد في تقوية الانتماء الوطني بين الأفراد، وزيادة التماسك وعدم الحياز بين "جنس أو عرق أو لون او دين‬" .

‫العمل التطوعي شغف وليس أمرًا يفرض على الشخص، فمن أحبه لن يكون بحاجة لمن يأمره بالقيام به.